கொஞ்சு மொழி சொல்லும் கிளியே - செழுங்
கோமளத் தாமரைப் பூவே - ஒரு
வஞ்சமில்லா முழு மதியே - இன்ப
வானி உதித்த நல்லமுதே, கண்ணே!
கண் மணியே கண்ணுறங்காயோ?

மாமன்மார் மூவர் தம்பி - நல்ல
வாழ்வளிக்க வருவார் - உனக்கு
மாமன்மார் மூவர் தம்பி - நல்ல
வாழ்வளிக்க வருவார் - உந்தன்
மாம்பழக் கன்னத்திலே - முத்த
மாரி பொழிந்திட வருவார் - உந்தன்
மாம்பழக் கன்னத்திலே - முத்த
மாரி பொழிந்திட வருவார் - கண்ணே
கண் மணியே, கண்ணுறங்காயோ?

மாணிக்கப் பாலாடை - பச்சை
மாமணித் தொட்டிலுடன் - வெள்ளி
யானையும் வாகனமாய் - மாமன்
தருவார் சீதனமாய், கண்ணே
கண் மணியே கண்ணுறங்காயோ?

வெள்ளியினால் செய்த ஏட்டில் - நல்ல
வைர எழுத்தாணி கொண்டு - நல்ல
தெள்ளு தமிழ்ப் பாடம் தெளிய - உன்னைப்
பள்ளியில் சேர்த்திட வருவார் - மாமன்
அள்ளி அணைத்திட வருவார் - கண்ணே
கண் மணியே! கண்ணுறங்காயோ?

(கொஞ்சு மொழி)