நமது தேசியக் கொடி

தாயின் மணிக் கொடி பாரீர்!!

பாரத தேவியின் மணிக் கொடி பாரீர்!!
பக்தி செய்தே அதை வணங்கிட வாரீர்!!
நீரதன் புதல்வர்; இந்நினைவகற்றாதீர்!!
நெஞ்சம் விழைந் து புகழ் நித்தமும் சொல்வீர்!!

(பாரத தேவியின் )

சீர்மிகும் சிகப்பு செப்பிடும் உண்மை,
சிறப்பது தரும் (நல்லோர்) பலர் செய்திட்டத் தியாகம்!!
பசுமை நிறம் உணர்த்தும் நல் பல்வகைச் செழுமை!!
பாரெல்லாம் போற்றும் இப்பாரதப் பெருமை!!

(பாரத தேவியின் )

வெள்ளை உணர்த்தும் நம் உள்ளத்தின் சிறப்பு!
விழைந்து எவர்க்கும் தீ வினையதும் செய்யோமென:
ஒயுதல் இன்றியிங்கு உயர்வது நாடும்,
உள்ளது தருமமென உணர்த்திடும் சக்கரம்!!

(பாரத தேவியின் )

அறிவோம்! தெளிவோம்!! அகமிக மகிழ்ந்து
அன்னியராயினும் அவரும் நண்பரென,
உணர்வோம்!! மகிழ்ந்து உணர்வித்திடுவோம்!!
உள நாளும் நாடு உயர்ந்திட உழைப்போம்!!

கருத்து மற்றும் இசையமைப்பு - செபரா