Tamil magazine of art, knowledge, stories and poems

நான்

எந்தன்
ஆணவம் அழிகிறது;

சொந்த பந்தங்களைத்
தேடுகின்றன எந்தன் கண்கள்!

நண்பர்களிடம்
பேசத்துடிக்கிறது இதயம்!

கருவரையிலிருந்து கல்லறை
செல்லும்
பயணமே வாழ்க்கையென்று
உணருகிறது மனம்!

எனதென்ற ஒன்றும் எனதல்ல
என்ற
நிஜம் தெளிவாய் என் முன்னே!

ஞாபகங்களில் பல மகிழ்கின்றன
சில கலங்கித் தவிக்கின்றன;

கூட்டிக் கழித்துப் பார்க்கும் நேரம்
சமாதானம் செய்யும் புண்ணியங்கள்!

நோயாளியாய்ப்
படுத்துத் தவிக்குமென்
தனிமைப் பொழுதுகளில்
எத்தனை எத்தனை
பாடங்கள்!

என். சுரேஷ்