நியாமான எதிர்பார்ப்புகள்

தாய்தந்தையர் பிள்ளைகளிடம்
தேடும் பாசமும் நன்றியும்;
முதல் மாணவனின் தோள்கள்
தேடும் சமூகத்தின் பாராட்டும்;
அழகிய குழந்தையின் புன்னகை
தேடும் பாச ஸ்பரிசமும்;
கலைஞர்களின் உழைப்பு
தேடும் கரகோஷமும்;
கவிஞனின் கவிதைகள்
தேடும் மௌன நொடிகளும்;
மண்ணின் மைந்தர்கள்
தேடும் சுதந்திரமும்;
ஆசை வேண்டாமென்று சொன்ன புத்தர்
தேடும் ஆசையற்ற சமூகமும்;
கடமை செய், பயனை எதிர்பாராதே என்ற கீதை
தேடும் தர்மமும் சத்தியமும்...

என். சுரேஷ்