Children of today are the future Leaders

Bring out the child in you Produce Tamil contents in ALL Windows applications CLICK HERE
Enable unicode to view all Tamil contents of this site CLICK HERE

Download Azhagi Tamil Software @

கற்பக விநாயகர்

புலவர் நீல. பகவன்

உள்ளே
இணையப் பாட்டி
ஆன்மீகம்
தெய்வீகம்
லௌகீகம்
கலைகள்
கல்வி
பொது அறிவு
நிர்வாகம்
Net Granny
Philosophy
Religion
Entertainment
Arts
Education
Knowledge
Management

குமரி மாவட்டம் இராமநாதபுரம் கொட்டாரத்தில் கோயில் கொண்டுள்ள

அருள்மிகு கற்பக விநாயகர் திருப்பதிகம்

எடுத்தகா ரியங்கள் யாவும்
என்றுமே வெற்றி யாக்கிக்
கொடுத்திட வேண்டு மென்று
கும்பிட்டு நின்றேன் போற்றி!
அடுத்தவர் செய்யும் அல்லல்
அனைத்தையும் தன்மை யாக்கித்
தடுத்தவர் தமக்கும் மேன்மை
தந்திடுந் தலைவா போற்றி!               6

அருகினை எடுத்து நின்னை
அர்ச்சனை செய்வோர்க் கெல்லாம்
உறுவன உவந்த தென்றே
உடனிருந் தருள்வாய் போற்றி!
திறமிகு தெய்வத் தாயாம்
திகழுநல் உமையின் மைந்த
அறமிக மலிய நாட்டில்
அமைதியைத் தருவாய் போற்றி!       7

எருக்கம்பூ மாலை தன்னை
என்றுமே அணிந்து போற்றச்
சுருக்கமில் கேள்வி தந்தே
சுடரவே செய்வாய் போற்றி!
விருப்புடன் எவைதந் தார்க்கும்
விழைவன நல்கி வாழ்வில்
திருப்புமா முனைகள் தோற்றித்
திகழ்ந்திடச் செய்வாய் போற்றி!         8

இன்பமா மலையே போற்றி!
இறைவனே போற்றி! போற்றி!
துன்பமாத் தூணு டைக்கும்
துதிக்கையாய் போற்றி! போற்றி!
அன்பிலே ஊறுந் தேனை
அளித்திடும் அரசே! போற்றி!
கம்பமா கற்ப கம்மாம்
கணபதி போற்றி! போற்றி!                 9

வன்னிமா மரத்தின் நீழல்
வதித்தருள் பெரும! போற்றி!
முன்னைமா மறையில் தோன்றும்
மூர்த்தியே போற்றி போற்றி!
கன்னல்மாத் தமிழில் என்றும்
கவிதைகள் தருவாய் போற்றி!
என்றுமே ஏந்திப் பாட
ஏற்றமே தருவாய் போற்றி!             10

இப்பத்தை என்றும் எளிதாய்ப் பயில்வீரே!
அப்பம் பொரியை அவலைச் செப்பத்தால்
செய்த பயனுளதே செய்யுங்கள்! நீணிலத்தில்
பெய்த மழைபோற் பயன்!