அறூபத்து மூவர்
பிள்ளையார் பாட்டி
அருந்தொண்டாற்றிய நாயன்மார்கள்
"மாயோன் கொப்பூழ் மலர்ந்த தாமரைப்
பூவோடு புரையும் சீறார் பூவின் இதழகத்து
அனைய தெருவம், இதழகத்து
அரும்பொகுட்டு அனைத்தே அண்ணல் கோயில்"
மாயோன்=திருமால், கொப்பூழ்=வயிறு சீறாப்பூவின் இதழகத்து அனைய தெருவம் = பூவின் இதழ்கள் போன்ற தெருக்கள்
திருமாலின் வயிற்றில் இருந்து முளைத்த தாமரைப் பூவின் இதழ்கள் போன்ற அடுக்கடுக்கான தெருக்களையும்,
இதழகத்து அரும்பொகுட்டு அனைத்தே அண்ணல் கோயில் = பூவின் நடுவே உள்ள மொட்டுப் போல அண்ணலின் கோயில் உள்ளதாயும் வர்ணனை செய்கின்றது. இன்னும் வேதத்தின் முக்கியத்துவமும் அதில் பேசப் படுகின்றது, இறைவனே அனைத்தும் என்று சொல்லும் பாடல்களும் இடம் பெற்றிருந்திக்கின்றன. ஆனால் பின்னர் வந்த களப்பிரர் காலத்தில் இவை எல்லாமே இருட்டடிப்புச் செய்யப் பட்டு பெளத்தப் பள்ளிகளும், சமணப்பள்ளிகளும், பெளத்த, சமணக் கோட்பாடுகளும் தோன்ற ஆரம்பித்து அவற்றுக்கு ஏற்ப நீதியைச் சொல்லும் நூல்கள் தோன்றின.
அப்போது சைவ சமயத்தை வேரூன்ற வைக்கத் தோன்றிய அடியார்களில் பலரும் பக்தி மணம் கமழும் தமிழ்ப் பாடல்களைப் பாடி மக்கள் மனதில் மீண்டும் சைவத்தை வேரூன்றினார்கள். சைவம் எப்போது தோன்றியது என்றே சொல்ல முடியாத ஒன்று. மொகஞ்சதோரோ, ஹரப்பா நாகரீகச் சின்னங்களைத் தோண்டி எடுத்த ஆய்வாளர்கள் அதில் கண்ட சில சின்னங்கள் மூலம் சிந்து சமவெளி நாகரீகத்திலேயே சிவ வழிபாடு இருந்து வந்திருப்பதாய்த் தெரிய வருகிறது. பின்னர் வந்த நாயன்மார்கள் தங்கள் பக்திப் பெருக்கினால் அவற்றைச் செம்மைப் படுத்தினார்கள். இந்த நாயன்மார்கள் பாடிய பாட்கள் எல்லாம் திருமுறை என்று சொல்லப் படுகின்றது. திருமுறைகள் பாடிய நாயன்மார்களைப் பற்றி அறியும் முன்னர் அந்தத் திருமுறை பிறந்த கதையைத் தெரிந்து கொள்வோம், அடுத்த பாகத்தில்.
கீதா சாம்பசிவம்
தொடரும்...
Your Feedback
| Mail To Editor: editor@mazhalaigal.com Give your Feedback: Feedback Take a Quiz | |||||||
  |
 |
 |
 |
 |
 |
 |
 |
| Submit your articles | Free Software Every Day | Submit Artwork | Happy Birthday | ||||