அருந்தொண்டாற்றிய நாயன்மார்கள்

தாய்மொழியான தமிழின் புறக்கணிப்புப் பொதுமக்களிடையே கிளர்ச்சியைத் தோன்றுவித்து வந்த சமயம். பல்லவ மாமன்னரான மகேந்திர பல்லவரே சமண சமயத்தைச் சார்ந்தவராய் இருந்ததால் சமணர்கள் பெரும் செல்வாக்குப் பெற்றிருந்த காலத்தில் மக்களின் முகச் சுளிப்பு சைவ, வைணவர்களுக்குச் சற்றே ஆறுதலைக் கொடுத்து வந்தது. இவர்களில் தமிழில் பெரும்புலவர்களாய் இருந்து வந்த சிலர் சிவனின் பெருமையையும், திருமாலின் பெருமையையும் போற்றிப் புகழ்ந்து அழகிய தமிழில், இன்னிசைப் பாடல்களைப் பழைய பண்களுக்குப் புத்துயிர் கொடுத்துப் பாடி சைவத்தையும், வைணவத்தையும் தளிர்க்கச் செய்தனர். பெரும் முயற்சியால் மன்னன் மகேந்திரனும், பாண்டியன் கூன் பாண்டியனும், சமண மதத்தில் இருந்து சைவத்துக்குத் திரும்பினார்கள். அது என்ன? ஏன்? எப்படி? யாரால்? எந்தக் கால கட்டங்களில் நிகழ்ந்தவை என்பதை வரும் நாட்களில் பார்ப்போமா?

பண்=ராகம்
மீட்டுரு= மறுபடியும் முன்பு இருந்தது போல் கொண்டு வருதல்.

கீதா சாம்பசிவம்

தொடரும்...

அத்தியாயம் 2