பகுள பஞ்சமி - இணையப் பாட்டி
1845 தமிழ்ப் புத்தாண்டில் அவர் மனனவி காலமானார். ஒரு வருடம் கழித்து அவர் கனவில் ஸ்ரீராமசந்திர மூர்த்தி தோன்றினார், அதாவது 22-12-1846ல். அவர் தன் பக்தனை அன்புடன் அழைத்து, "தியாகராசா, இன்னும் பத்து மாதங்களில் நீ இறந்து விடுவாய், உனக்கு இன்னொரு ஜன்மம் உண்டு என்றார். "அப்பப்பா, எனக்கு இன்னொரு ஜன்மமா? வேண்டாம் ராமா" என்று கதறி முகாரியில், "க்ஷீணமை திருக" என்ற பாட்டைப் பாடினார். அத்துடன், "மோக்ஷமு கலதா புவிலோ, ஸாதிஞ்சனே ஒ மனஸா" என்று ஒன்பது மாதமும் இடைவிடாமல் பாட திரும்ப ராமர் வந்து, "இன்னும் பத்து நாட்களில் உனக்கு முக்தி கிடைத்துவிடும், நீ என்னிடம் வந்துவிடுவாய், நீ சன்யாசம் வாங்கிக் கொள்" என்றார்.
1802ல் முதன் முதலாக குருவின் முன் பல வித்வான்கன்கள் அமர்ந்து, "தொரகுனா இடிவண்டி சேவா" என்ற பாடல் மேடை ஏறியது. தற்போது இவர் பாடல்கள் இல்லாத கச்சேரியே இல்லை.
ஸ்ரீதியாகராஜர் இசையைப் பற்றி பாடிய ஒரு பாடல்:
ராகஸுதா ரஸ பானமு ஜேஸிரஞ்சில்லவே ஓ மனஸா
ராகமென்னும் சுவையுள்ள பானத்தை அருந்தி மகிழ்வாய் மனமே
அ. பல்லவி:
யாக யோக தியாகபோக பல மொஸங்கே
யாகங்களாலும், யோகங்களாலும், தியாகங்களாலும் கிடைக்கும் ஆனந்தத்தை அளிக்க வல்லது இசை. ஏனெனில் இவ்வுலகம் தோன்ற காரணமானது தூய ஒலி.
சரணம்:
ஸததசிவ மயம்கு நாதோங்காரஸ்வர
விதுலு ஜீவன முக்துலனி தியாகராஜ தெலிய
நித்ய சைத்தன்யமான சதாசிவமான் ஓம் என்ற ஒலியிலும் நாதங்களிலும் தன்னை மறந்து திளைப்பவர்கள் ஜீவன்முக்தர்கள் ஆவார் என்று நான் அறிவேன்.
எத்தனை அழகான பாடல், கீதையிலும் ஜீவன்முக்தர்களைப் பற்றிச சொல்லப்பட்டிருக்கிறது. இவர்களுக்கு சுகம் துக்கம் எல்லாம் ஒன்றுதான். உடலில் நோய் வந்தால் அதனால் இவருக்கு ஒரு துன்பமும் இல்லை. அதைக் கண்டு்கொள்ள மாட்டார்கள். பகுள பஞ்சமி அன்று இன்றும் திருவையாறில் தியாகராஜர் சன்னிதானத்தில் எல்லா வித்வான்களும் அவர் இயற்றிய பஞ்சரத்ன கீர்த்த்னைகள் பாடுவார்கள், கூடவே அபிஷேகம் பூஜையும் நடக்கும், கேட்டு மகிழுங்கள்.
அன்புடன்
அம்மம்மா
Your Feedback
