கண்ணன் எங்கள் கண்ணனாம்,
கார்மேக வண்ணனாம்;
வெண்ணெய் உண்ட கண்ணனாம்,
மண்ணை உண்ட கண்ணனாம்;
குழலினாலே மாடுகள்,
கூடச் செய்த கண்ணனாம்;
கூட்டமாகக் கோபியர்,
கூட ஆடும் கண்ணனாம்;
மலைக்கு நல்ல குடையென,
மலையைப் பிடித்த கண்ணனாம்;
பூதனையின் பால் உறிந்து,
மோக்ஷம் கொடுத்த கண்ணனாம்;
உரலிலே கட்டுப் பெற்று,
தவழ்ந்து வந்த கண்ணனாம்;
உறியில் வெண்ணையைக் குறிவைத்துண்ட,
திருட்டு மாயக் கண்ணனாம்;
அன்னை யசோதைக்கு வாயைக் காட்டி,
அசர வைத்த கண்ணனாம்;
விஸ்வரூபம் கண்ட அன்னையை,
மயக்க வைத்த கண்ணனாம்;
கோபஸ்த்ரீயுடன் ராஸலீலை,
ஆடி வந்த கண்ணனாம்;
பகளாசுரனின் மூக்கைப் பிளந்து,
சாகடித்த கண்ணனாம்;
தேனுகாசுரனைச் சுழற்றி,
வீசி எறிந்த கண்ணனாம்;
கம்சன் அம்மான் மேலேறி,
வதம் செய்த கண்ணனாம்;
ஏழைக் குசேலன் தந்த அவலை,
ருசித்து உண்ட கண்ணனாம்,
அபயம் என்ற திரௌபதிக்கு,
சேலை தந்த கண்ணனாம்
கீதாநாயகன் கண்ணனாம்,
அஷ்டமியில் அவதரித்த கண்ணனாம்;
விஷ்ணு அவதாரம் கண்ணனாம்,
ரக்ஷிப்பவன் எங்கள் கண்ணனாம்.

அன்புடன் அம்மம்மா விசாலம்

PLEASE GIVE YOUR FEEDBACK

*Name:         

*E-mail:        

*Comments: