Tamil magazine of art, knowledge, stories and poems

அன்பு நண்பர்களே,

ஒரு நாள் பழகினும் பெரியோர் கேண்மை இரு நிலம் பிளக்க வேர் வீழ்க்குமே

என்ற ஆன்றோரின் வரிகளை மெய்யாக்கி சில நாள் பழகினாலும் உம்முடைய நட்பு எங்கள் நெஞ்சில் கல்மேல் எழுத்துப் போல் நிலைபெற்றிருக்கிறது ஐயா. எங்களிடம் சொல்லாமல் எங்களை நிரந்தரமாகப் பிரிய உங்களுக்கு மனம் வந்ததோ? ஒரு வார்த்தை சொல்லிவிட்டுத்தான் போயிருந்தால் என்ன குறைந்தா போய்விடுவேன்? சரி, பரவாயில்லை, இயற்கையின் சதிபோலும். உங்கள் ஆன்மா சாந்தியடையப் ப்ரார்த்திக்கும் அடியேன் அன்பு நண்பன்

வை ராஜேந்திரன்

அன்புன் வடிவாய் நின்றவனே
ஆருயிர் நண்பாய்ப் பழகியவனே
இன்முகம் இமைப்போதும் நீங்காத
வனே வனே வனே வனே பகவனே
நீல பகவனே!

ஈர நெஞ்சம் பாச நெஞ்சம்
உள்ள நெஞ்சம் உருகும் நெஞ்சம்
ஊழையும் உப்பக்கம் காணும் நெஞ்சமுள்ள
வனே வனே வனே வனே பகவனே
நீல பகவனே!

எமனே போய்வா நாளைக்கு
என்று சொல்ல ஏனோ தயக்கம் இது
முன்பே உள்ளது தானே பிள்ளையார்
சனிபகவானுக்கு சொன்னதுதானே என்று சொல்லாத
வனே வனே வனே வனே பகவனே
நீல பகவனே!

ஐயுறுகின்றோம் ஐயுறுகின்றோம்
விதியின் விளையாட்டோ என்று ஐயுறுகின்றோம்
ஒழிவிலாது உழைக்கும் உத்தமனே!
ஓய்வு பெற்றேன் உழைத்தது போதுமென்று
ஔவை மூதாட்டிக்கு அணி செய்யச் சென்ற
வனே வனே வனே வனே பகவனே
நீல பகவனே!

வான்கலந்த மாணிக்க வாசகனே
மாணிக்க வாசகங்கள் முத்தாய்ப் படைத்தவனே
அன்புக்கு என்றும் அடிபணிபவனே உன்
அன்புப் பேரனின் அன்பு மறந்தாயோ?
மனைவியும் மக்களும் மருமகனும் நண்பர்களும்
சிந்தாத கண்ணீரை சிந்துகின்றோம்
புரியாது ஏன்தான் எங்களை விட்டுச் சென்ற
வனே வனே வனே வனே பகவனே
நீல பகவனே!

தா தா தா தா தாத்தா தாத்தா என்று
அரற்றி ஏங்கும் பேரனுக்கு
என் சொல்வார் நும் மக்கள்.
ஆராத் துயரில் ஆழ்ந்திருக்கும்
பேரன் உள்ளிட்ட குடும்பத்துக்கு
ஆழ்ந்த இரங்கலைத் தெரிவித்து
நும் ஆன்மா சாந்தியடையப் பிரார்த்திகிறோம்.

வை ராஜேந்திரன்

Children of today are the future Leaders

உள்ளே

வெளியே