தல விருட்சம்!

தேவாதி தேவர்களும், மூவரும் அவர்
தேவியரும் தேடியது இதைத்தான்.
வேனலிலும், வாடைக்காற்றிலும்
வளைந்து கொடுத்து இடம் பிடித்தது.

மரம் மௌனமாய் இருந்தாலும்
மாளாமல் பல மொழி பேசும் பறவைகள்.
போதி மரம் போல் புத்திசொல்லும்
மரத்தின் கீழ் சில பஞ்சாயத்தும் உண்டு!

அடிமரத்தில் அமர்ந்து எழுதிய காப்பியங்களுக்கு
அழகான அட்சதையாய் இலைத்தூவல்!
நம்பிக்கையும், நூலும் சேர்ந்து மரத்தின்
இடையே மொத்தமாய் பருத்துப் போனது!

யுகம் பல கண்டதாம் சொல்கிறார்கள்.
ஆனால் மரம் கண்டவரெல்லாம் இளமை!
பிரார்த்தனைக்கு கிடைத்த பரிசாய்
பழுப்பேறிய தொட்டில்கள் பல!

காற்றுடன் நீங்களும் சேர்ந்து வழி விடுங்கள்!
காதல் தலவிருட்சத்தைக் காண வருபவர்க்கு!

அன்பே

முதல் ஆசனம்!

நானும் ஒரு சிப்பிதான்!

அம்மாவும் ஆலமரந்தான்!