கூடு கட்டாமலே குடும்பம் நடத்துது
தேனிசை பாடிடும் குயில்

நெல்லின் இலையினை
மெல்லிய நாராய்க் கிழித்தே
பின்னிடுதே அழகாய்த் தன்
கூட்டை பார்ப்பவர் வியந்திடத்
தூக்கணாங் குருவி

குச்சி கொண்டே கூடு
கட்டிடுது நாரை

குச்சில் கட்டிடுறான் ஏழை விவசாயி
வைக்கோலோ முடைந்த கீற்றினையோ கொண்டு

மச்சிலும் பல மாடிக் கட்டிடமும்
கட்டிடுறார் மாந்தர்

இவை யாவற்றினும் பெரியதொரு
வீடொன்று உண்டு அதுவே நாம்
இறுதியில் சென்றடைய வேண்டிய
பெரிய வீடு

பெரிய வீடு கட்டிடத் தேவை இல்லை
கல்லும் காரையும்
தேவை எல்லாம்
பிற உயிரிடத்தே அன்பும் பரிவும்
பிறர் உடலும் உள்ளமும் நோகாச்
செயல்கள் புரிதலும்

நடராஜன் கல்பட்டு