பாரினில் உள்ளோர்க் கெல்லாம்
சாமரம் வீசிடும் தென்றலென
பாமரர்க்கும் பரிவு
காட்டிடல் வேண்டும்

சுத்தம் வேண்டும்
உடலிலும் மனத்திலும்
சத்தமும் சண்டையு மென்றுமே
தவிர்த்திடல் வேண்டும்

கற்றவை மற்றவர்க்கே
கற்பித்தல் வேண்டும்

எல்லாம் தந்த ஈசனுக்கே நன்றி
சொல்லாமல் சொல்லிடல் வேண்டும்

இவை எல்லாம் செய்திட்டால்
பாரினில் வாழ்ந்தே
பார்த்திடலாம் சுவர்க்கமதை

நடராஜன் கல்பட்டு